xoves, febreiro 22, 2018

Día de Rosalía de Castro 2018 #AbrideAFiestra

No IES Laxeiro abrimos as fiestras a  ROSALÍA, porque "Ela é o refacho que abre as nosas fiestras"





 E fixemos este "roll up" a partir do traballo do alumnado de Plástica con punteado:

sábado, febreiro 17, 2018

DÍA DE ROSALIA 2018



Dende a AELG:

Nun mundo de fiestras pechadas, buscamos o refacho de vento que as abra de vez. Nun mundo que busca facer as comunidades e as persoas máis pequenas, os cartos e a cobiza máis grandes, precisamos forza e profundidade, emoción e pensamento. Ante as fiestras pechadas contra a vida, contra as voces das mulleres, das desprazadas e das nosas outras cómprenos unha palabra firme e abranguente que nos guíe. No bater das fiestras que cheiran a couza do pasado, a mentiras que repetidas mil veces queren chegar a ser verdades, a fala que se nos rouba e aire que nos falta precisamos a bravura das mareas e o salvaxe das montañas. Precisamos todo do que falou e todo o que foi Rosalía de Castro.
Ela é o refacho que busca abrir as nosas fiestras. Un refacho que chega dende o pasado para nos falar do futuro. Un refacho que quere abrir a fiestra para que poidamos navegar. Coa forza das baleas, da que busca novas fillas do mar, da que se ri dos papeis de xénero e nos anima a redefinilos como literatas. Un refacho que trae a voz de todas as meniñas gaiteiras que están por chegar. Un refacho que canta a vida e transforma todo dende as raíces.
Mais para que o refacho entre, precisa da nosa vontade. Pídenos, imperiosa: Abride a fiestra!
E na nosa man está abrir a fiestra. Abrila para vermos a muller, a escritora, a irredutible. A voz que nos une ás rebeldes do mundo, que fascina coa súa luz por onde pasa, que nos ofrece a súa clarividencia para tecermos novas alianzas, a que sempre está do lado da xustiza, do noso lado, a que sempre está aínda por descubrir. Porque en todos os recunchos do mundo, mais sobre todo aquí, en Galicia, hai rosalías que cantan e que falan, alancando con brillantes e destemidas botas azuis entre a lama.
Rosalías que abrimos a fiestra saíndo á rúa contra o espolio da terra que ela cantou, ecolóxica antes de que existise nin o termo. Cada vez que nos negamos a seguir converténdonos en plantación de eucaliptos, minas, xeriátrico e mercadoría, reivindicando a paisaxe que ela utilizou politicamente coma ninguén. Cada vez que pulamos polo público, a sanidade, o transporte, as axudas a quen está na marxe e ela puxo sempre, dende o afecto e a transgresión, no centro. Cada vez que desfacemos o discurso que sustenta a violencia de tantos Pedros mediante a escrita e a acción feminista, contra todos eses que seguen ladrando mentres nosoutras camiñamos.
Abride a fiestra para as viaxes interiores, para a coraxe dos afectos, para sermos das que non temos medo de pensar e de sentir simultaneamente, de recoñecernos mulleres con palabra e voz propia, herdeiras e compañeiras daquela que en cada dedicatoria se recoñecía nas súas iguais.
Abride a fiestra á afouteza e ao abraio, á redefinición do que a historia dos homes fixo de mulleres irreverentes coma ela.
Abride a fiestra porque Rosalia de Castro é o mundo que está por facer. Un mundo que se abre se o abrimos.

María Reimóndez
Asociación de Escritoras e Escritores en Lingua Galega (AELG)

#AbrideAFiestra

xoves, febreiro 15, 2018

Correspondentes xuvenís 3.0, antena informativa do IES Laxeiro

Xa está na web a información que vos debiamos dende principio de curso e que nunca conseguimos darvos porque sempre andamos mal de tempo.




A maioría do alumnado de 3º ESO – A exerce este curso de “Correspondentes Xuvenís”. Manteñen un blogue para informar a toda acomunidade educativa, pero sobre todo a compañeiros e compañeiras de canto se lles envía dende a OMIX do noso concello e dende a Dirección Xeral de Xuventude, Participación e Voluntariado sobre bolsas, programas europeos, concursos...
Asemade, no corredor que vai cara á Cafetería do noso centro, hai dous taboleiros que tamén informan e que se revisan periodicamente.

O blogue que podedes consultar é este:

domingo, febreiro 11, 2018

Día Internacional das Mulleres e as Nenas na Ciencia




Trátase de "descubrir ao público todas as grandes científicas que aínda non coñecemos e acabar cos estereotipos dunha ciencia principalmente masculina".





Aquí tedes máis información:

Mujeres con Ciencia, 2018, 2017

Tribuna Feminista

sábado, febreiro 10, 2018

Desfiando a roupa


O venres 9 de febreiro realizamos este obradoiro co alumnado de 4º de ESO, un obradoiro a cargo da Asemblea de Cooperación pola Paz.








Obradoiro de regueifas



O venres 9 de febreiro excelente este obradoiro que tivo a ben o noso Concello agasallarnos no centro. Unha lección de poesía e música tradicional que non chegou a nada e que desexamos repetir.



Ler é sexy

venres, febreiro 09, 2018

Tempo para ler no Antroido


«O tempo para ler, así coma e tempo para amar, aumenta o tempo para vivir.»
Daniel Pennac


Arch Apolar

luns, xaneiro 29, 2018

Día escolar da Paz e a non violencia III




 E agora a reflexionar:

.- Que significar ser emigrante?
.- Como cruza Said o Estreito?
.- Con que soña Said?
.- Cando chega a España, que é o primeiro que ve?
.- Como ten idealizada a vida en España o protagonista?
.- Pouco a pouco, sabe que nada é como el soñara. Como é a realidade que vive?
.- Que sentimentos che esperta a curta, o feito de que haxa mozos e mozas da vosa idade que non teñen dereito a unha vida como a vosa?
.- Que sentimentos vos provoca Said por un lado e os monicreques da feira polo outro?
.- En que se parece Said a calquera de vós? Que o diferenza?
.- Que é a TOLERANCIA? E a DIVERSIDADE?

Aquí, varias ligazóns:

Ficha e cuestións 

todoele

Día escolar da Paz e a non violencia II

#elviajedesuvida

La crisis de refugiados y migrantes que estamos afrontando ahora es la mayor desde el fin de la segunda guerra mundial. UNICEF lanza esta acción de sensibilización con objetivo de generar empatía e informar sobre la situación de los niños y niñas migrantes y refugiados en todo el mundo. 

http://elviajedesuvida.es/

 

domingo, xaneiro 28, 2018

domingo, xaneiro 07, 2018

Lembrando a Castelao

Tal día coma hoxe, pero de 1950, morría no exilio Alfonso Daniel Rodríguez Castelao. O fascismo sabía que podería ser tan perigoso morto coma en vida, así que comezou por mandar unha consigna clara desde a censura franquista aos medios de comunicación:

"Habiendo fallecido en Buenos Aires el político republicano y separatista gallego Alfonso Rodríguez Castelao se advierte lo siguiente:
La noticia de su muerte se dará en páginas interiores y a una columna. Caso de insertar fotografía, esta no deberá ser de ningún acto político.

Se elogiarán únicamente del fallecido sus características de humorista, literato y caricaturista.
Se podrá destacar su personalidad política, siempre y cuando se mencione que aquella fue errada y que se espera de la misericordia de Dios el perdón de sus pecados.
De su actividad literaria y artística no se hará mención alguna del libro 'Sempre en Galiza' ni de los álbumes de dibujos de la guerra civil. Cualquier omisión de estas instrucciones dará lugar al correspondiente expediente".



venres, decembro 22, 2017

Por un 2018 en Igualdade

Este fin de trimestre optamos por realizar un traballo ben diferente: en lugar de dar os típicos trípticos de recomendacións lectoras, quixemos profundar na Igualdade, agora que temos un Vestíbulo da Iguladade con moitos libros e recomendacións, e agasallamos a quen levase libros para ler no Nadal con este calendario de marcapáxinas e este taco de notas, con 50 libros de Igualdade para todas as idades. Esperamos que vos guste:






martes, novembro 28, 2017

Contra a violencia machista

Entre algunhas das actividades que realizamos no centro para amosar o noso rexeitamento contra a violencia de xénero, está este recordatorio de todas as vítimas do ano 2017



sábado, novembro 25, 2017

O tren da igualdade

O alumnado de 2º de ESO na materia "Igualdade de Xénero" decidiu realizar esta performance como contribución á nosa loita contra a violencia machista:


 

E fomos ao concello para representalo:



 O luns continuaremos coas actividades que manifestan a nosa repulsa contra esta lacra social:



xoves, novembro 23, 2017

Mellores, non Mayores

Similar ao noso traballo comezado o curso pasado, O Comité Lila modificou o contido dun polémico tema de actualidade, "Mayores" de Becky g, cambiando a letra orixinal por outra de carácter feminista.

martes, novembro 14, 2017

Son Muller

Estas rapazas son o grupo MBCP (Máis Boas Cas Patacas) e cantan "Son Muller", un manifesto, unha crítica, que gañou recentemente o premio de canción Xuvenil da Deputación da Coruña:
 "Se me deixaran, sería o que eu quero ser, libre, independente, resistente e muller"


luns, novembro 06, 2017

venres, novembro 03, 2017

VIII día da Ciencia en Galego (III)



Como sabedes, o Día da Ciencia en Galego este ano cae en mañá sábado, polo que decidimos adialo para o luns,  pero como non queremos que se axuste a un día só, decidimos lembralo en diversas actividades durante o curso.
Este ano homanexéase a dúas figuras: DARWIN e o galego DOMINGO FONTÁN.

En canto a DARWIN, o alumnado de FP Básica recreou a viaxe do Beagle cun mapa mundi que se exporá nun taboleiro e irá ás clases para explicalo. Esta actividade realízase grazas ao Departamento de Bioloxía.



O Departamento de Matemáticas organízase así:


 Obradoiro de xogos matemáticos  e lóxicos,  dedicándolle unha sección especial aos cubos de Rubik, que teñen unha gran aceptación entre o alumnado. Estes obradoiros realizaranse o luns durante os recreos. Pero ampliaranse a toda a semana se se pode reabrir a biblioteca -despois das obras- o martes.





 Ademais,  ao longo deste curso faremos diversas actividades enfocadas a  coñecer  a figura de Domingo Fontán e o seu traballo.



 Actividades:

  1. Tendo en conta que Domingo Fontán utiliza como unidade de lonxitude a “ vara castelá”, faremos unha investigación sobre as unidades de lonxitude   e de superficie  que se usaban antes do SISTEMA INTERNACIONAL DE UNIDADES. Veremos as equivalencias e faremos medicións con distintas unidades.

  2. Na web  podemos encontrar a CARTA XEOMÉTRICA DE GALICIA subdividida. Centrarémonos na Carta Fontán f8, que é a parte correspondente  ao Concello de Lalín.  Traballaremos as escalas nos mapas e cálculo de distancias.

  3. Cálculo de alturas : Utilizaremos  o teorema de Thales e a semellanza de triángulos  para calcular alturas de puntos inaccesibles (medidas indirectas). Así calcularemos  a altura das árbores do patio e a altura dos edificios do noso centro.

  4. Achegarémoslle aos nosos alumnos instrumentos  que se utilizan ou se utilizaron en topografía e cartografía,  compás, cuadrantes, sextantes, teodolitos.